良率（Yield Rate）數據就更加說明現實有幾殘酷。台積電嘅2納米製程據報一推出良率就已經去到七至八成水平，而三星同級嘅製程就連四成都唔夠，英特爾嘅18A良率就估計有六成以上，夾喺兩個對手中間，但同樣追唔上龍頭大佬嘅步伐。

2納米時代開波，未做已經賣晒

今次台積電嘅「主角」係新一代嘅2納米（N2）製程。呢項技術喺2025年第四季正式進入高量產階段，魏哲家仲用咗「另一個又大又長壽嘅製程節點」嚟形容佢，講到明未來幾年嘅策略都會圍繞住佢嚟轉。

新技術同步喺台灣新竹同高雄嘅廠房全面爆產能，擴產速度快到嚇親人，預計由2026年到2028年，產能嘅複合年增長率（CAGR）會高達70% 。就算起得咁快，需求都係遠遠大過供應。業界消息指，台積電現有嘅2納米工廠喺2026年嘅產能已經「全線爆滿」，蘋果下一代iPhone就係其中一個鎖定咗早期產能嘅「大客仔」。

為咗餵飽呢班客，台積電仲要大幅擴張地盤。佢哋已經同台灣政府溝通，打算喺南部科學園區再起多三間2納米工廠，令規劃中嘅廠房數目由七間加到十間。與此同時，美國亞利桑那州嘅建廠計劃亦都加速，最終會有30%嘅2納米及更先進製程產能落戶美國，其中第二間廠仲會比原定計劃提早幾個季度開始量產。

破紀錄業績 引爆史上最癲嘅燒錢大計

魏哲家咁大口氣，背後梗係有強勁嘅業績撐腰。佢形容2025年係破紀錄嘅一年，股價由上年股東會嘅950蚊新台幣，升到今年嘅2,425蚊新台幣，現金股息嘅增長仲超過咗三成。

為咗捉緊魏哲家口中嘅「AI大趨勢」，公司正準備進行史上最燒錢嘅擴張計劃。台積電預告2026年嘅資本開支會係520億至560億美元嘅上限範圍內。魏哲家仲補咗句，就算呢筆錢已經比起2025年嘅409億美元使費大幅增加咗約三成，都「可能仍然未夠」滿足極度強勁嘅AI需求。

呢筆錢入面，大約七至八成會掟晒落去先進製程技術嗰度，淨返嗰啲就會用嚟搞特殊技術、先進封裝同測試等等。講起封裝，台積電嘅CoWoS先進封裝產能一樣係「非常緊張，2025年同2026年都已經賣晒」。

講到未來，魏哲家預期2026年全年收入如果用美元計，會有超過三成嘅增長。佢仲提到，除咗而家嘅AI熱潮之外，機械人同自動駕駛將會係未來嘅兩大增長引擎。

「祝佢好運」：寸爆Elon Musk

競爭嘅威脅又點止係傳統芯片廠商咁簡單。會上有股東問到，聽講Elon Musk打算起一間叫「TeraFab」嘅巨型芯片廠嚟供應俾自己嘅公司，咁樣會唔會構成威脅？

魏哲家嘅回答簡短得嚟又充滿台積電式嘅自信：「我唯一嘅結論就係，祝佢好運。」

佢仲補充咗一句貫穿成場股東會嘅「中心思想」：「我哋過去差唔多四十年嚟，從來未試過冇競爭對手。我哋一直以嚟都係贏家，未來都會繼續贏落去。」 呢句說話好明確咁話畀大家聽，無論個對手係傳統芯片廠商，定係全世界最有錢嘅人，台積電嘅策略同信心都絲毫不會動搖。

良率（Yield Rate）數據就更加說明現實有幾殘酷。台積電嘅2納米製程據報一推出良率就已經去到七至八成水平，而三星同級嘅製程就連四成都唔夠，英特爾嘅18A良率就估計有六成以上，夾喺兩個對手中間，但同樣追唔上龍頭大佬嘅步伐。

2納米時代開波，未做已經賣晒

今次台積電嘅「主角」係新一代嘅2納米（N2）製程。呢項技術喺2025年第四季正式進入高量產階段，魏哲家仲用咗「另一個又大又長壽嘅製程節點」嚟形容佢，講到明未來幾年嘅策略都會圍繞住佢嚟轉。

新技術同步喺台灣新竹同高雄嘅廠房全面爆產能，擴產速度快到嚇親人，預計由2026年到2028年，產能嘅複合年增長率（CAGR）會高達70% 。就算起得咁快，需求都係遠遠大過供應。業界消息指，台積電現有嘅2納米工廠喺2026年嘅產能已經「全線爆滿」，蘋果下一代iPhone就係其中一個鎖定咗早期產能嘅「大客仔」。

為咗餵飽呢班客，台積電仲要大幅擴張地盤。佢哋已經同台灣政府溝通，打算喺南部科學園區再起多三間2納米工廠，令規劃中嘅廠房數目由七間加到十間。與此同時，美國亞利桑那州嘅建廠計劃亦都加速，最終會有30%嘅2納米及更先進製程產能落戶美國，其中第二間廠仲會比原定計劃提早幾個季度開始量產。

破紀錄業績 引爆史上最癲嘅燒錢大計

魏哲家咁大口氣，背後梗係有強勁嘅業績撐腰。佢形容2025年係破紀錄嘅一年，股價由上年股東會嘅950蚊新台幣，升到今年嘅2,425蚊新台幣，現金股息嘅增長仲超過咗三成。

為咗捉緊魏哲家口中嘅「AI大趨勢」，公司正準備進行史上最燒錢嘅擴張計劃。台積電預告2026年嘅資本開支會係520億至560億美元嘅上限範圍內。魏哲家仲補咗句，就算呢筆錢已經比起2025年嘅409億美元使費大幅增加咗約三成，都「可能仍然未夠」滿足極度強勁嘅AI需求。

呢筆錢入面，大約七至八成會掟晒落去先進製程技術嗰度，淨返嗰啲就會用嚟搞特殊技術、先進封裝同測試等等。講起封裝，台積電嘅CoWoS先進封裝產能一樣係「非常緊張，2025年同2026年都已經賣晒」。

講到未來，魏哲家預期2026年全年收入如果用美元計，會有超過三成嘅增長。佢仲提到，除咗而家嘅AI熱潮之外，機械人同自動駕駛將會係未來嘅兩大增長引擎。

「祝佢好運」：寸爆Elon Musk

競爭嘅威脅又點止係傳統芯片廠商咁簡單。會上有股東問到，聽講Elon Musk打算起一間叫「TeraFab」嘅巨型芯片廠嚟供應俾自己嘅公司，咁樣會唔會構成威脅？

魏哲家嘅回答簡短得嚟又充滿台積電式嘅自信：「我唯一嘅結論就係，祝佢好運。」

佢仲補充咗一句貫穿成場股東會嘅「中心思想」：「我哋過去差唔多四十年嚟，從來未試過冇競爭對手。我哋一直以嚟都係贏家，未來都會繼續贏落去。」 呢句說話好明確咁話畀大家聽，無論個對手係傳統芯片廠商，定係全世界最有錢嘅人，台積電嘅策略同信心都絲毫不會動搖。